Pagina:Malinverni C. Bolle de savon 1921.pdf/38

Da Wikivivàgna
Sata a-a navegassion Sata a-a serchia
Che l'inse?...

Viva Balilla! o zoveno
chêu popolan zeneize
che, son tosto duî secoli,
e giûsto de sto meize,
seccôu de vedde a Zena
çerte facce scassae
o l'ha dito: piggemole,
piggemole a sasciae;

che l'inse?... e o ghe desbrassa
ûn sascio, e o ciappa in pin
ûn tedesco: - pe-a ciassa,
da tutti i caroggin,
da e bûtteghe, da-i fondeghi,
da-i barcoîn, da-e terrasse,
zù, tûtti, addosso!... daeghele...
zù, tûtti, addosso!... strasse,

quello che a-e moen ve capita,
a meizoa cö cannello,
sasci, maghêu, diai, scandole,
o mortâ cö pestello...

38