 |
Questa pagina a no l'è stæta corretta. | |
Ma fra tûtti i banchetti de Natale
i ciù che ciamme gente, i ciù avvoxae
son da Paxo e rimpetto ä cattedrale,
dove se vende libbri vëgi e ûsae.
Gh'é de tûtto: volûmmi de morale,
vitte de santi, tomi scompagnae
de romansi, de storia natûrale,
vëgie droghe co-e pagine strassae:
c'ûnn-a spûssa de muffa e de relento
o Conchetta, Volter, a Filotea,
ûn pappê, ûnn-a gazzetta, ûn documento,
raccole, stampe, fêuggi, raffataggi....
e a pescâ drento a questa gran cädea
gh'ò visto scinn-a o depûtôu Macaggi. -
30
