 |
Questa pagina a no l'è stæta corretta. | |
II
A-o sô a çigaa in sce ûn rammo de castagna,
o in çimma a ûnn-a carassa, a tûtt'andâ,
imbriaega d'ûnn-a gossa de rozâ,
a l'impe co-a canson tûtta a campagna.
Mì, che me paeiva d'ëse ûnn-a vivagna
de canti, no sò ciù manco scigoâ,
tûtti dixan: ma c'o vadde a spigoâ,
co-a finisce con sto bêuga-bugagna.
Lê quande a neive a crêuve a valle e o monte
a l'ha, comme se dixe, in to stoppin....
ma ghe fà ûnn'ode o poeta: - Anacreonte.
Invece mì, quando scentiö dä scena,
no ghe sä, ghe zûghiae o mae chitarin,
ûn can che me mensunn-e in tutta Zena.
173
