 |
Questa pagina a no l'è stæta corretta. | |
No sò s'o segge ûn gûsto ûn pö borgheize;
ma o faeto o l'é che quande o calendajo
o dixe: - l'é natale - o bon zeneize
o se cincia e o se gode in te l'inäjo
de stradde, dell'öfêuggio, di banchetti,
e ommi, donne, figgiêu, vëgi, boenetti,
tûtti, sensa eccezion, scordan pe ûnn'öa
o brûtto che in te l'anima s'annïa.
Sto giorno, chi nö fà ûn peccôu de göa?
Eh!... chi é sensa peccôu ch'o cacce a prïa.
Ma scì! da st'oegia, in mëzo a tanta gente,
(tegnimmo e carte ä cëa) nisciûn ghe sente.
E dunque, comme ho dito, pe sta festa,
che in fondo, a l'é ûnn-a festa da famiggia,
doppo tanto gûmmâ, cöse ne resta
de mëgio che attaccâse a ûnn-a bottiggia,
a ûn pandoçe, e treppando co-i figgiêu
levâse quella muffa che s'ha a-o chêu?...
150
