Pagina:Malinverni C. Bolle de savon 1921.pdf/132

Da Wikivivàgna
Sata a-a navegassion Sata a-a serchia


A bûgatta de Ninì

Vorriae dîghe, sciâ Marinn-a,
tûtto quello che ho in to chêu...
ma sciâ sà che son piccinn-a,
che son proprio ûn vëo pettêu.

Quande ho visto a mae bûgatta
coscì bella e ben montâ,
sciâ se credde? - paeivo matta,
no saveivo dove stâ. -

A pâ proprio ûnn-a scignöa,
no ghe manca che a parolla...
ciù l'ammio, ciù a m'innamöa,
parlo e rïo comme ûnn-a sciolla.

Tûtto o giorno ä piggio, ä pöso,
no sò cöse mi me fasse;
l'ammallocco, ä tegno in scöso
e l'ingiarmo con de gasse:

e ghe diggo: - pupponinn-a
ti ë caezonn-a da mamà -
poi, l'accoêgo în ta sò chinn-a
e ghe fasso fà a nanà. -

132