 |
Questa pagina a no l'è stæta corretta. | |
Solo tra e quattro mûage do mae nïo,
me sento a posto e me s'allarga o chêu:
de me[sic] nevo me gödo o barbacïo,
me gödo o vanni e vegni de mae sêu;
lezo o Cavalli, o Tocca, o sciô Reginn-a,
e quando ho sae, vaddo a finî in cantinn-a.
Coscì l'amô da casa e da famiggia,
e a pascion da chitära portoliann-a,
con l'aggiûtto do gotto e da bottiggia
spassan e nûvie comme a tramontann-a:
adaxo adaxo o malûmô o me passa;
se fà sën... spunta o sô... torna a bonassa. -
