 |
Questa pagina a no l'è stæta corretta. | |
chi a sò tempo i prinçipii
no passa sotto banca
e no ha a conscensa elastica,
o l'é ûnn-a mosca gianca,
che in compagnia di fùccai
a fa vegnî da rïe...
ma e mosche gianche, diamine!
se contan in scë dïe:
son l'eccezion ä regola,
e son l'avvenimento...
Scialla! se ne ne capita
ûnn-a de semm'in çento.
De sti tempi creddeivimo
de veddila xoâ,
vegnûa dä taera libera,
vegnûa de là do mâ:
ma aveivimo e traveggole
e a testa in to ballon,
perché, tûtti, beveivimo
a-o maeximo pirron.
A-o sò arriva in Portoja
o chêu o ne se spalanca
comme ûn portâ: - l'America
a manda a mosca gianca! -
