Pagina:Malinverni C. Bolle de savon 1921.pdf/103

Da Wikivivàgna
Nêutte de San Giambattista

Nêutte bella, nêutte pinn-a
de fragranse di giardin,
de fragranse da collinn-a,
de terrasse e di barcoîn!
nêutte de zûgno schillente
ch'a l'invita a stâ de fêua,
e in ti viali all'Accassêua
andâ in gïo, soli, con lê,

con lê, soli, in gïo, a braççetto,
e sentî de sotto a-e ciante,
con l'odô do limonetto,
a peschëa che pâ ch'a cante,
con soli, in mëzo â gente
comme spersci in t'ûn deserto,
e lì a-o fresco, e lì all'averto
contâ e stelle che l'é in çê.

Nêutte bella! - in sce l'artûa
lûxan case e palassinn-e,
lûxan in te l'äja scûa
e ciaebelle bordellinn-e: