 |
Questa pagina a no l'è stæta corretta. | |
L'anima a segge teiza
comme ûnn-a corda, e segge
a lampa sempre aççeiza
da Patria in sce l'artâ,
e con amô se vegge
a-o monte, a-o cian, a-o mâ.
Poi... faemo Pasqua vëa:
saan furgai, saan lûmetti,
terrasse co-a bandëa,
saa Fasce tûtto ûn fôu;
spariemo i mortaletti,
balliemo in mëzo a o prôu:
portando ramme d'oiva
cantiemo gloria e osanna;
tornian e feste e i Viva!
andiemo a Cianderlin,
torniâ a çigaa in sciä canna,
e a-o peì torniâ Martin. -
1916.
