 |
Questa pagina a no l'è stæta corretta. | |
Anchêu, no l'é o momento
de sciati e de demöa:
scin che no molla o vento
e no se carma o mâ,
no canta e no scigöa,
ma vigila o majnâ.
Anchêu, no se tïa fêua
pe-o brindixi a bottiggia;
scin che ghe dà a gragnêua
e picca a saeta e o tron,
l'ortoan o se beziggia
e o spëta o tempo bon.
Manco se fa a farfalla
chi treppa in mëzo ä lûxe:
scin che con l'êuggio ä stalla
gïa pin de famme o lô
no stà a scrollase e prûxe
nì o can e nì o pastô.
