 |
Questa pagina a no l'è stæta corretta. | |
Unn'öa da Zena, manco, e pä lontan
chi sa quante, perché, lì, ti no senti
ni borboggio, ni fô, ni ramaddan,
biciclette, automobili, aççidenti:
ûn palassieto, co-i barcoin che dan
a mëzogiorno: – a casa di manenti
da fianco, ûn pö ciù in zù: de man in man
aggueita d'in sciä porta ûn, dui, treì foenti,
belli, sporchi, descäsi, mëzi nûi,
chêutti da-o sô, con di êuggi mäveggiæ,
pin de salûte, ardii, rosci boffûi:
ma se ti çerchi de fâghe ûnn-a frasca,
de dâghe ûnn-a gaggioâ, cöran dä moae,
bella, sann-a e robûsta ponçeviasca.
