 |
Questa pagina a no l'è stæta corretta. | |
22 Gennaio 1905.
– Ma cöse l'é che vêuan?
perché a cria sta marmaggia?
nascian, stentan, e mêuan:
ghe n'é assæ pe-a canaggia.
Cöse?... diritti?... in Rûscia?...
en matti da ligâ:
no! no! no! – barbasciûscia!...
manco stâne a parlâ. –
Nicolla, a n'é a manëa
da raxonâla anchêu:
senti: – monta a marea:
ommi, donne, figgiêu
n'en ciù comme ûnn-a votta:
ti ti creddeivi ancon
de fâ ballâ a marmotta?
ah, va là…… demoelon!
Täxi e söfri, – ä fin ven
che se n'ha pin e c....ge;
e l'é zà bell'e ben
ch'a bogge, a bogge, a bogge....
l'ægua boggindo forte
a caccia sciù i coverci,
