 |
Questa pagina a no l'è stæta corretta. | |
de Pasqua
Lûxe o sô: che bello giorno!
semmo a Pasqua tûtta scioia:
tûtti anchêu se dan dattorno
pe fâ incetta d'allegria:
no sentî che ramaddan?
o l'é ûn bosco de baccan?
din don dan, din don dan.
Pasqua a l'é de tûtte e feste
a ciù allegra, a l'é a ciù cä:
o çê limpido, celeste,
o proû verde, bogge o mâ;
se n'é andæto o freido can,
e l'é o tempo sciûto e san:
din don dan, din don dan.
Dappertûtto spunta fiori
dove gh'é ûn pö de terren;
(o l'é ûn poema de colori)
chi se-i mette in testa e in sen,
e chi n'ha ûn carego in man
e se-i porta in to mezzan:
din don dan, din don dan.
