 |
Questa pagina a no l'è stæta corretta. | |
Di çipressi, ûnn-a croxe
de legno, ûnn-a gëxinn-a
di fratti: – ûnica voxe,
de seja e de mattinn-a,
quella do campanin
ch'a se perde lontan
cö vento: – din din din,
dan dan... dan...
In sciö scciarî de l'arba,
de votte, pe-o ciassâ
ûn cappûsso, ûnn-a barba,
ûnn-a testa razâ,
ûnn-a bocca chi sbatte
con ûn fâ da indovin
ammiando o tempo:…. ûn fratte
cappûççin:
di strazetti, de crêuze,
di sentê; poi, de ville
pinn-e de sô, de rêuze,
d'oive, de cöi, – tranquille,
comme addormie: ûn öxello
o dixe o sò rondò:
fa l'ægua d'ûn rianello:
