 |
Questa pagina a no l'è stæta corretta. | |
Gh'é in te l'aja ûn odô
bon, san de primmaveja:
chì e là spunta ûnn-a sciô;
o tempo o l'é in candeja,
e pä che tûtto rie,
o monte, a valle, o çê,
e mûage, e ville, e prie,
e.... i caroggin de Prê:
ä mattin, de bonn'öa,
quande fa bon dormî,
o merlo zà o scigöa,
e a passoa a fa cî cî;
l'é ancon neigro o levante,
e da-i erboi, da-e gronde,
da mëzo a tûtte e ciante
se ciamma e se risponde:
chi risponde? chi ciamma?
chi zêuga a scondillô?
chi va de fêuggia in ramma
dando o bon giorno a-o sô?
chi monta sciù d'asbrïo?
chi se calûmma? chi
