 |
Questa pagina a no l'è stæta corretta. | |
Ma a lagrima chi cazze
dai êuggi e a ven da-o chêu
(che nisciûn mai l'assazze!)
pêuan sciûgala i figgiêu:
lö solo pêuan fâ questo;
lö ch'en e nêuve scioî:
che se no.... pe do resto....
no sæiva mëgio moî?
Ah! ûn bello risso biondo
e ûnn-a magninn-a gianca....
e fa paxe cö mondo
a nostra anima stanca:
lê o ve liga spedïo,
e o vêu quello ch'o vêu:
Hugo e Praga han capïo
a forsa do figgiêu.
N'ho visto ûn l'atra seja
accoegôu in t'ûnn-a crêuza,
rosso comme ûnn-a meja,
bello comme ûnn-a rêuza;
co-e sò braççinn-e in croxe
desteizo in sciö terren
forse o dinâ da noxe
o s'assûnnava.... Ebben,
no gh'é dinâ da noxe
pe ti poveo innocente:
