 |
Questa pagina a no l'è stæta corretta. | |
Cöse ghe vêu – sentimmo –
pe fâ ûn bon conseggê? –
Comme mi, quando rimmo,
conto s'en giûsti i pê,
contemmole in scë die
e bonn-e qualitæ…..
sensa queste o fa rie
(o cianze ?) i amministræ.
Onesto scinn-a a-o scrupolo
dev'ëse, sorva a tûtto,
chi va a Palassio Tûrsci;
no aveì o panê brûtto;
no ëse, ûnn-a testa vêua;
no ëse comme a castagna
ch'a l'é bella de fêua
e drento a l'ha a magagna:
bezêugna poi ch'o sacce
l'impegno ch'o l'assûmme:
ch'o no l'agge due facce,
comme l'é ûn pö o costûmme.
(Giano o l'insegna troppo
a-i fanæ stando in çimma)
