Pagina:Malinverni.Due.brocche.de.viovetta.1908.pdf/35

Da Wikivivàgna
Sotto zero


Brrr.... che freido! a tramontann-a
a ne punze a faccia e-e man:
questa chì a l'é ûnn-a boriann-a,
questo chì o l'é ûn tempo can:
semmo a Zena? semmo in Rûscia?
mi, me tocco se ghe son:
uuh….. senti? – uuuh….. comme o sciûscia,
comme o-a fa anchêu da padron!

O ne ven.... chi sa da dove? –
o ne ven da ca-da-pèsta:
bezêugnieiva ëse ûnn-a rove
pe affrontâ questa tempèsta
o v'investe, o l'intra, o frûga,
voî corrî, ma lê o v'acciappa,
o v'inghêugge, o v'imbarlûga,
e.... zù! demmo do cû in ciappa.

Ûnn-a man a dâ in te rêue
se gh'azzunze a neive e o giasso;
testa, pê, tûtto ve dêue,
no poeî manco arrancâ o passo:
stæve all'occio! là gh'é ascöso
quarchedûn: – attenti a-e spalle....