 |
Questa pagina a no l'è stæta corretta. | |
ah! poveo Zane, t'han guagno de man?
oppûre, dinni, atro ti no eì che ûn spëgio?
Per cöse, dove vaddo e dove ammîo,
dappertûtto, mi trêuvo bûrattin:
cöro in conseggio? o conseggio o n'é pin:
a Romma, in Parlamento? greminîo.
Tûtt'assemme no pä; – san fâlo ben;
çerto bezêugna ammiâghe pe-o sottî
pe trovâ quello benedetto fî....
ma o gh'é stævene, o gh'é... miæghe ûn pö e moen.
Mëgio a-o caso do peì tornâ, Martin;
a stâ chì no l'é miga ûnn-a demöa....
chi sa che ûn aççidente da quarch'öa
o spasse via baracca e bûrattin?....
