 |
Questa pagina a no l'è stæta corretta. | |
Mimì a no canta ciù, Mimì a no rie:
Secca, giana, co-i êuggi a mëze masche...
ûnn'ombra:.... ah, quelle moen, con quelle die
gianche, nervose!... no fan ciù de frasche:
Mimì a no canta ciù, Mimì a no rie.
A lasciâ o letto, ma pe andâ a Staggen,
scordâ da tûtti: povia cäa passoeta
che riendo ti cantavi coscì ben
a canson dell'amô con o tò poeta,
ti lasciæ o letto, ma pe andâ a Staggen!
A-o poeta e rimme ti ghë davi ti
co-i tò baxi e a tò voxe e co-i tò rissi:
pe lê poexia voeiva dî Mimì,
Mimì con tûtti i sò belli capriççi...
a-o poeta e rimme ti ghë davi ti.
Chì, sto Mazzo passôu, pe sti sentê
mæximi e pe ste ville e pe ste crêuze,
che festa e che allegria, soli, mi e lê,
in mezo a tanto sô, con tante rêuze!
l'ëa sto Mazzo, ëan sti mæximi sentê.
Aoa, no gh'é ûnn-a sciô: – Mimì a l'aspëta
due brocche de viovetta: – ogni pittin
