Pagina:Malinverni.Due.brocche.de.viovetta.1908.pdf/105

Da Wikivivàgna
Novembre


Che tristessa! a-o mæ reciamno
nisciûn quæxi ciù risponde....
creûva e fêugge, secca o rammo,
in te nûvie o sô o s'asconde:
zû da-o çê coverto e basso
ciêuve freido e ûmiditæ;
spesso monta ûn gran neggiasso
sciù da-i sciûmmi, sciù dai riæ.

Cö chêu streito veddo, e sento,
a campagna smorta e nûa,
e m'arriva a sghêuo do vento,
c'ûn sentô de seportûa,
povei morti! a vostra voxe,
ch'a me dixe: – te sovven
de chi dorme sotto a croxe,
chì, in ti campi de Staggen?

Povei morti! cheiti comme
cazze a fêuggia da-o sò rammo;
mi ve ciammo tûtti a nomme,
giorno e nêutte mi ve ciammo:
no me scordo, povei morti,
e bell'öe con voî passæ,