 |
Questa pagina a no l'è stæta corretta. | |
Fasso ûn voto e ûn augûrio
pe tûtte e belle figge:
che dentro l'anno capite
o masccio chi së pigge:
fasso ûn voto e ûn augûrio
pe-i ommi: – che a risorsa
a çercan ne-o travaggio,
no in ti zêughi de Borsa.
E ûn pö de döçe in ûrtimo
pe-o poeta ch'a cantôu:
che no ghe vegne a peja,
che no ghe manche o sciôu,
che fasse ancon de zimme
o sò vegio tisson,
ch'o trêuve quattro rimme
pe ûnn-a nêuva canson!....
