Pagina:Malinverni.Due.brocche.de.viovetta.1908.pdf/102

Da Wikivivàgna
O Lûnajo nêuvo


Accattæ o Ciaravalle;
o Lûnajo zeneize
chi no conta de balle:
lê o ve desghêugge, meize
pe meize, o rûmescello
trovando o cäo do fî,
e o ve predixe quello
che deve introvegnî.

Pe quarcosa st'astronomo
a Zena o l'é avvoxôu,
e se o tegne, cäezandolo,
Casamara, o stampôu:
o g'ha ûnn-a çerta cabala
pe ciappâ i ambi e i terni
ch'a l'é botta infallibile...
ve-o dixe Malinverni.

Lê o se sprezûa che o baxo,
che o baxo o fa o dïsette,
(miæ ch'o no parla a caxo)
e o majo... o vintisette;
e sensa tante balle
che l'é o sciûsciantetreì