 |
Questa pagina a no l'è stæta corretta. | |
24
Anni fa san pû tutti cos'han fæto
Tanti nostri Patriotti a ri Corsæ
Turchi, quãdo sciu e tarche te gh'han dæto?
Quanti scciavi ne fen, quanti amassæ,
O a ro manco zœumoæ lasciâse dâ
Bravi soldatti in terra, ma ciù in mâ?
25
Cose n'hà fæto, son pochi anni fà,
Quello bravo Patron Musso Giaçinto,
Che impegnosse cò un brutto Mustafà
Tanto o battè che o ro fè andâ per vinto,
Che senza mai lasciâghe piggiá sciaò,
O ghe rompì e cornixe, e lê salvaò.
26
Così pû feççe un giorno Patron Præve
Contro un forte Sciabecco, chi averæ
Spaventao ro Diavo; e pû fiæve,
O ghe dè tante e tante canonæ,
Che o ro desfè, e a i Turchi a ra drittura
Dætoghe in tra mariña sepoltura.
27
E st'âtra: quando unii Præve, e Maglion
(Che o ssecondo morì; De l'agge in gloria)
Che tra speron ligaò, e tra speron
Ro Turcho spenaggion, n'æla vittoria?
Diro a Tripoli, chi gh'ha visto batte
Bandéra neigra se o piggiò re patte. (a)
.jpg)
