 |
Questa pagina a no l'è stæta corretta. | |
20
E voi, che ro Segnó v'ha chi salvaò
In nostra compagnia, con l'arme in man
Mescæve, no dormj, dæghe aviaò:
Batte ro Turco, o fâro stâ lontan.
Coraggio chi ghe vœu: massa chi amassa,
Nesciun se mostre d'êsse uña pellassa.
21
Ma perche mai no segue confusion,
Prontezza, obedienza ve comando.
Miccie aççeise, attenti a ro canon;
Come è tempo de dâse, dirò quando,
E fæe questo: se diggo: straggia, straggia,
Pedrê, scciœppi, canoin, fœugo, battaggia.
22
E voi Napoliten, per informave
De tutto, e sempre ciù fave animosi,
Za che all'anasto me paei lamme brave,
Portæve sempre da ommi valorosi.
V'assisterò, voi assisteime mi,
L'armamento, che porto, eivero chi.
23
Gh'avemmo œtto Canoin, e ciù i Pedrê:
Trentadoi ommi trentadoi Diavi,
Che se dareivan fiña con Messê;
Poca gente siben, ma tutti bravi,
Che m'ho çernûo in tro masso a ra Laiguegia
Che s'è sempre portâ de maraveggia.
