 |
Questa pagina a no l'è stæta corretta. | |
4
Intanto o musa ti scôrame in bocca
Un Barrí de quell'ægua d'Elicoña,
Tanto che de st'Erôe za che me tocca
Cantâ, siben che cante a ra carloña
Posse fâ vei all'univerfo mondo
Ro sò onô che non ha ni fin ni fondo.
5
Sciù ra çerta speranza de ottegnj
Ra to scorta segura, chi me ghie,
Incomenço a desgœugge ro gran fj,
E sto racointo da fâ cianze, e rie,
Dro gran Maglion, che i Turchi o fa tremâ
Sciu ro me Chittarin vegno a cantâ.
6
Circa i vinti d'Arvî dell'Ottantun
Da ra Laigueggia Capitan Maglion
O partì senza dî ninte a nesciun
Per Napoli con tempo bello e bon,
E o piggiava asbrivæ così smargiasse
Che o pareiva un'oxello chi sgœurasse.
7
Senza offende nesciun per veritæ
St'avanto a i Laigueggin se deve dâ,
Che coraggiosi, e bravi marinæ
Pœuran ciamâse oxelli dell'amâ
E chi vorresse fâ con lô regatta,
Ozi reôzi, o resteræ in tra bratta.
