Pagina:Maglion 1781.djvu/2

CANZON.

I
Ommi de vitta, Laigueggin smargiassi
Pin de gloria, d'onô, de cœu, de pêto,
Se con rimme, che foscia tiran sassi,
E a ro sezze mandâ dell'alfabeto
Vêgno a cantâ de Voi, scusæme tanto,
Ni son Poeta, ni Meistro de canto.

2
Frusto ro Calascion, frusto o sunao (a)
Non poeu ciù fâ sentj che giromette,
E cantà de canzoin da bon mercao;
Ninte de manco quando o se ghe mette.
(b) (Diro a Pittaballotta) a i ciù salvaggi
Qualche votta o fa vedde bisce e baggi.

3
Così sperando ancœu, Sciô Capitañio
Zan-Antogno Maglion bravo Zen[e]ize,
Pr'o gran caxo seguio, che o pâ un stravañio
Quando co o Tunesin sei stæto a e preize,
Diggo, che a tutto o mondo hei fæto vei,
Che i Laigueggin se ra san fâ varrei.