 |
Questa pagina a no l'è stæta corretta. | |
48
Per fâra curta, doppo tanti eviva,
S'œu a i Turchi assegnâ ra Quaranteña;
Ma subito cavæ fœura de stiva
Tutti ri esaminon, e sotto peña
Dra Sciscia, ghe aveivan da depoñe
Dro Sciabecco, dre Preize o brutte, o boñe.
49
Senza fâçe ninâ ghe disse tutto
Ro Sotteraixo da ro Quin, a o Ron;
Poi mandæ in Quaranteña, con l'aggiutto
De tutti i Santi, Capitan Maglion
Pe' appoggiâ onde o l'era destinaò
S'allestisce, che o gh'era norezaò.
50
De lì a giorni: da Roma ven l'aviso
Che ra spiaggia romana era coværta
De cadaveri turchi, e s'è deciso
Che sæe affogao o Sciabecco, e ra fan çerta
Da ciù parte a ven scrita, e cappolista
Çittao l'è un Fratte testimon de vista.
51
Ma sæe, o nò sæe. Ghe avemmo de seguro
Scio Capitañio, e questa è da marcâ,
Che in ro tempo presente, e in ro futuro
Ben de voi diran tutti in generâ;
Diran che sei Zeneize, e che a Laigueggia
Se porta in ogni impreiza a maraveggia.
