 |
Questa pagina a no l'è stæta corretta. | |
36
In stato de s'arrende, chi ognun vedde
Così ben matrattao ro Tunesin,
E Maglion che a vittoria zà o prevedde,
Per dâghe presto o resto dro carlin,
Çerca piggiáro, o pû mandáro a picco,
E dâ a sto gran zugao picco, e repicco. (a)
.jpg)
37
Ma a non ghe poeu riuscî, perchè o nemigo
Mentre occupao Maglion a dâghe o resto,
Ro Raixo per levase de perigo
Senza aspettâ a seconda, læsto læsto
O s'ormezza a ra mêggio, e tanto o lappa,
Che in tro fumme dra pôve o se ne scappa.
38
Maglion mentreso l'è lì za per sparâ;
Ad effetto de fáro presto scciavo,
E ra vittoria intrega poei cantâ
Per fâçe dj da tutti, oh bravo, oh bravo!
O væ che o non gh'è ciù, che o l'è scentao
In tro fumme dra pôve, oh che peccao!
39
Ma no poendo soffri caxo sì crûo
Pensa inseguiro, e lì desfâro affæto,
Perche no avesse o mondo mai credûo,
Che per mancanza sò o se n'è andæto,
O dixe a ra so gente: allon allon:
Demoghe apprœvo a quello Pellandon.
