Pagina:Lunario per le dame1810L'enciclopedico.pdf/53

Da Wikivivàgna

Confiandose a sto birbo de beghin
In segrestia o camminna,
E appenna o gh'è arrivaò
Da o Gatto o l'è agguantaò,
E o criava sotto o dente
Do nemigo potente,
Façendo guin guin guin:
Possan êse ammazzê tutti i beghin.

Voi che lezei sto misero aççidente
Tegnì ben fisso in mente
Che treitò no gh'è pezo ai giorni nostri
Do piccapeto, e giascia paternostri.


INDOVINELLO

Chi êlo quello tale
Coscì largo de goa
Che o rozzo e o bozzo o ingoa?
Dieì c[']o l'è o lavello,
Diggo c[']o no n'è[sic] quello.
O sarà o Rumentà?
Ohibò – Dunca o l'è o ma?
No; ma o l'è pezo assê;
Chi êlo? - Indovinê.