 |
Questa pagina a no l'è stæta corretta. | |
SAGGIO DI POESIE
IN LINGUA GENOVESE.
Ritrêto de Veonichetta
Canzonetta
Veonichetta mi t'agueito,
Perchè a dîtea ho çerta quê,
E te vegno a teito a teito
Comme a rondaninna â stê.
Veonichetta ti me piaxi,
E u[sic] perchè te veuggio dì,
Perchè ti ê un bocchin da baxi
E un pa d'œuggi da stupî.
A to faccia quando neia
A fa a neive vergognà,
Ti no vê a accattâ in Sozeia
O gianchetto da o spezià.
Ti ê i cavelli biondi e rizzi
Da un frexetto ben lighê,
Senza pôve e atri pastizzi
De çeotti e de pomê.
De coallo dui lerfetti
Quando s'arvan pe parlà
Fan mià i to denti netti,
Che l'amò fan innamoà.
