 |
Questa pagina a no l'è stæta corretta. | |
« Lascio o Sangue ai Berodæ
« I Ventraggi ai Formaggiæ,
« O Fighæto co-i Rugnôin
« Ai Spujosi Spacchettôin;
« L’Arfê o lascio ai Invidiosi,
« E e mæ Gambe ai Podragosi;
« Item lascio ai Laddri i Pê
« E o Côdin ai Labardê;
« A mæ Carne ben pestâ
« Con da Vacca insemme missa
« A lasciö per fâne fâ
« Do Salamme, e da Säsissa;
« Se a Gramegna ghe trovassan,
« Tanta Carnesâ ne fassan;
« O mæ Struto o ciù perfetto
« Lascio ae Donne pe-o Belletto;
« Lascio a Cuiga ai Intriganti,
« Lascio e Osse ai Litiganti,
« Lascio e Cêuscie[sic] pe-i Prezutti,
« E un pittin de Lardo a Tutti.
« Lascio ai Cêughi[sic] a mæ Nettixe,
« Ai Mangiôin a mæ Aspertixe,
« Ai Leccaæsi o mæ Ritræto,
« E ai Potrôin o Staggio fæto;
« Lascio... lascio... e chì per bacco!
O lasciò un longo sospïo
Che piggieì pe un’öa tabacco;
O n’aveiva ancon finïo,
Che pe eccesso de caitæ,
Disse un so diletto Fræ,
