 |
Questa pagina a no l'è stæta corretta. | |
Che con tanta pippinêa
D'Axi, Mû e Cäri che van
Aumentando giornalmente
(E corrindo impunemente!)
E Carosse, i Cavalcanti,
I Corrê, a Truppa e i Pedanti
No san ciú dove passâ.
E lazzù da San Lazâ,
Chi n'è lesto, e chi no schitta,
Gh’è o pericolo da vitta!
Da per tutto è bariccôu
De Malbrucche e Mû a stûffôu,
De Piramidi ambulanti,
De Camalli giastemmanti,
E per zunta Fango e Pûa!...
Ghe vorriæ a so Selciatûa
Fin-na a-e Porte da Lanterna,
Perchè quella Bagnatûa
(Se o savesse chi governa!)
Che ghe dan comme o Sciô Gæa
Aa Rumford co-a cassa ræa
