 |
Questa pagina a no l'è stæta corretta. | |
SCIÔ REGINN-A
A doî passi, chi vixin;
Seì zà stanca? non importa
S'assettiemo ûn pittinin.
Miæ che stradda larga, aiösa,
Co-i so erboëti e-i so bindoin,
A le commoda, grandiösa
Pë carrozze e pe-i pedoin....
CATTAINETTA
Ma con tûtta a so larghezza
A le cûrta.... no ghe pâ?
SCIÔ REGINN-A
Ah segûo che pe-a lunghezza
A non ha guæi da straggiâ;
Ma scicomme l'esperienza
Qualche votta a ne fà schêua,
L'é per questo che se pensa
D'attaccala all'Accassêua
CATTAINETTA
E m'han dîto che là in fondo,
Vêuggian faghe ûn amiadô
C'ûn ciassâ quæsi rotondo....
SCIÔ REGINN-A
Scì, ma quando? ö sà ö Segnô!
Ma ciû tardi da Rotonda
Ne parliemo con piaxei,
Aôa fæ ûnn-a vòtta rionda
E dî ûn pö cöse veddeì?
