Sâta a-o contegnûo

Pagina:Lunaio.reginna.1893.djvu/89

Da Wikivivàgna

SCIÔ REGINN-A
Dunque alôa lascæli dî
Cöse vêuan, lasciæ corrî!
Che gh'é pense ö Comitato
A sciortî da quest'imbûo,
Per noi basta ö risûltato
Senza ammiàâ troppo a menûo,
Questo ö l'é soddisfacente
Contro a nostra previxion?
Dunque dimmo allegramente:
Viva a nostra Espoxizion!



Stradda Corsica
Monumento de Bixio - I giardinetti



CATTAINETTA
L'é zà tardi, sciô Reginn-a...

SCIÔ REGINN-A
Via gh'é dæmo ûn pô ciù avviôu,
Perchè gh'é ûnn-a vedûtinn-a
Che a lasciala sæ ûn peccòu!

CATTAINETTA
Dove diascôa sciâ me porta?