 |
Questa pagina a no l'è stæta corretta. | |
CATTAINETTA
Quande toccan in ta stacca
Ghe vêu poco pe capî;
Zà va tutto de baracca....
SCIÔ RDGINN-A
Cattainin, lascæ corrî!
CATTAINETTA
Chi se paga scinn-a l'aia
E ö Governo ö va in rovinn-a!
SCIÔ REGINN-A
Perchè voî, seì antiquaia,
Seì retrograda, codinn-a;
I fenomeni de Stato
Devan veddise dall'âto
Non ne-o senso ö ciû ristreito...
CATTAINETTA
E segûo montiô in sce-o teito!
SCIÔ REGINN-A
Voeì parlane voî donnette
Che pe quanto aggiæ za giôu,
Forse ö Ponte de Conchette
No l'eì quæsi mai passôu?
Semmo chì in Ciassa Corvetto
E mi zêugo e ghe scommetto,
Cattainin, ch'eì ö coraggio,
Voî, che seì de vëgia schêua
De dî corne apprêuvo a-o taggio
Che v'han fæto all'Accassêua
