 |
Questa pagina a no l'è stæta corretta. | |
SCIÔ REGINN-A
Ma però cö macadam
Vegnan lisce comme in man;
CATTAINETTA
Eh! segûo! ma pe-i cavalli
E pe-i mû coi færi ai pê,
Ma pe quelli che han di calli
Ghe da vedde e stelle in Çê!
SCIÔ REGINN-A
Eh veghî! de cöse ei puïa?
Digeriemo a colazion,
CATTAINETTA
Ma son vegia arrensenïa
Vaddo quæxi in strambælon;
SCIÔ REGINN-A
Dæme a mente Cattainin
Se-a piggiemo ciancianin
Discorrindo, passeggiando,
C'ûnn-a pösa in quando in quando,
Fæmo ö gïo che ghe da fâ,
Sempre in gamba e senza sûâ.
Ve sovven, che antigamente
Salvo qualche rebellëa,
Che a partiva giornalmente
O a vegnîva d'in Rivëa,
Se doveiva tûtte e votte
Che s'andava in ti contorni
Fäse a stradda a sante piotte
CATTAINETTA
Cöse l'é? me pâ doî giorni
