 |
Questa pagina a no l'è stæta corretta. | |
SCIÔ REGINN-A
Torna a mëzo sti discorsi!
Cattainin sei za stundaia!
Se son vëgio tanto o staggo
E disturbo no ne daggo
CATTAINETTA
Comm'a le? sciâ ghe patisce?
Ma perdie, sciâ no capisce
Che mi ö fasso pe demôa?
SCIÔ REGINN-A
Sci, ma lé za ûn quarto d'öa
Cattainin, che më sciûghæ
Coi malanni e con l'etæ!
Lė decrepito chi mêue
No chi e vivo e chi sta ben....
CATTAINETTA
Aôa so dove ghe dêue,
Sciâ l'ha puia d'andâ a Staggen
SCIÔ REGINN-A
Miæ, ve fasso ûnn-a proposta:
Da boscetto comme son,
Ve portiô a-o Caffè da Posta
Dove fæmo colasion
Poi, a fâ ûnn-a passeggiata
Pe via Corsega e Caignan,
In Besagno, dä tagliata
Che le sotto a Montesan
