 |
Questa pagina a no l'è stæta corretta. | |
O ö taggia, ö squarta e vittime
Senza necessitæ,
Pe sfêugo de libidine
O de malvagitæ.
8.
O l'è lê ascì ûnn-a vittima
Do proprio so organismo
Che ô l'è vegnûo nevrotico
Per via dell'Atavismo
Che ö rende irresponsabile
Da so brûtale azion,
Da mette a-o Manicomio
E nô in t'ûnn-a prexon!
9.
E sto scistema ö s'applica
Pe-a so comoditæ,
Ai scarti scistematici
Da bonn-a Societæ,
E ö crêuve çerti deboli
Che, senza prevenzion,
Portæ davanti ai giûdici,
Meitieivan a prexon.
10.
Un laddro de bon genere
O ve marmella a e carte?
Meschin! ö l'è Cleptomane
O nö l'ha fæto ad arte,
O l'é l'ambiente, ö stimolo
Dell'ôu che ghe l'ha tiôu,
Pëzo pe chi, savendolo
Marotto, ö g'ha zûgôu!
