 |
Questa pagina a no l'è stæta corretta. | |
4.
Coscì, in sta fin de secolo
Son diventæ famosi
Fra i atri, i doî vocaboli
D'Ambiente e de Nevrosi,
E a Forza irrexistibile
Che con l'Ereditæ
Do sangue, ö ve leggittima
E azioin ciû accannaggiæ.
5.
Le vëo che a nêuva formola
A tûtto a no se ciega,[sic]
Coscì se ûn individuo
O sfonda ûnn-a bûttega,
O ö tia sciû a borsa a-o proscimo
O ö da ûnn-a cotellâ
Prosaica o pe difendise,
A-o lascia condannâ.
6.
Ma se un birbante emerito
O spêuggia ö so cliente,
O ö lascia li in sce l'astrego
Miggæa de povia gente,
A Scienza a prêuva sûbito
Che e mutte ô l'ha pittæ,
Pe forza irrexistibile
E pe necessitæ.
7.
Se ûn brûto sanguinario
O scanna ö l'assascinn-a
A sangue freido ô proscimo
A scopo de rapinn-a,
