 |
Questa pagina a no l'è stæta corretta. | |
In sce ûn Albo
All'Amigo Luigi Terzàn.
Va ben, sä vëo che o segge - bello questo ritræto,
Ma perchè fâ e mävegge - se bella mi t'ho fæto?
Questo de ciæo, de scûo - impasto affortûnnôu
O pêu piaxeì seguo - ma mi no l'ho creôu.
Misso gh'aviô ûn pö d'arte - ma stagghe tûtto lì....
Do bello a mëgio parte - ti ghe l'hæ misso ti.
Mi, l'ombra cö penello - l'é o mæ o neigro de fûmme,
Tò, ûn fûrgôu pe cavello - ti, ti g'hæ misso o lûmme.
CANSON
A-o Poeta Gaspare Buffa.
(Da Veniero - 1891)
Oh amô t’ê ûn birricchin!
Ti n'hæ misso a ciömâ in t'ûnn-a casetta
Fæta tûtta d'ûn cian.
E pe architetto t'hæ piggiôu l'ascetta.
Coscì gh'é o lûmme e-o pan,
