 |
Questa pagina a no l'è stæta corretta. | |
Unn'ätro o gh'a portôu l'ätra mattinn-a
A testa d'unn-a pippa camogginn-a.
Vista tanta onestæ,
Un ingleize o gh'ha dæto di dinæ —
All'indoman, pe arrûxentâ de motte,
L'Uffizio ä-a tûtto pin de pippe rotte.
S'ammïa in t'ûnn-a vedrinn-a
Duî canäi impaggiæ in sc'ûnn-a rammetta:
A femmina, meschinn-a,
A porze a-o masccio ûn pö de leitûghetta;
Lê o te ghe dà o baxin
E in eterno stan lì sempre vixin.
Ah! sci pe-a fedeltæ
No gh'é comme i öxelli imbalsamæ.
A-o Musicista
G. B. Pagano.
G. B. Pagano.
Comme le bello Zena
Quando l'ë-e stradde scûe!
Se sciorte co-a Manena
Se conta de freidûe;
Ciû ninte no ve gëna
O fondo o l'é tûtt'ûn,
Comme le bella Zena
Quando no gh'é nisciûn!
