 |
Questa pagina a no l'è stæta corretta. | |
Me pä, zà che l'idea
A l'é de voei stä là,
Che ghe saiæ manëa
De fälo comme và.
« E corassæ ë torpedini
Descommodà no vêuggio;
Che, tanto pe servïsene,
Ne pêuan costäne ûn êuggio;
Poi no vorriæ fâ guæra,
Pëzo che pestâ in mâ,
Con di mainæ de tæra
Comme se vêu in giornâ.
Manco tocchiæ l'esercito,
E, pe tiâ l'agua a-o moin,
Me parriæ ben tornäsene
De nêuvo a-o pei martin.
Mi dæ l'impreiza a scarso,
Proprio chì, ne-a Rivëa,
E, giûsto de sto Marso,
Battieiva l'assemblëa;
Pe no fâ i passi doggi
Andiæ pe scarmi a-o Mêu,
Fæ ûn säto, e in sce Camoggi
Piggiæ finn-a i figgiêu;
