Pagina:Libeazion.djvu/68

Da Wikivivàgna


36.
Non ostante o peigo decci[a]aò
e ro consegio deto dall'amigo
stimando sœu dito quanto un figo
vozen de nœuvo a Zena l'arrughaò

Ma ro Botta o ch[']o foize recciamaò
a rende conto dro sœu brutto intrigo
o che o fœugo zeneize l'æsse in spigo
mai ciù lasciase veì se n[']e zuaò

Egua, prie, gragnœua da poppa a proa
(scuseme cao lettòeu tutto pe o megio)
segian de quest'arneize a ra malloa

Dro castigo i Zeneizi an tutto o spegio
ma dro Botta i pecchæ che son de choa
ciamman là sciù vendetta a peizo vegio.