 |
Questa pagina a no l'è stæta corretta. | |
Ma do resto amiæ ûn pittin
Quante quaddri, Çittadin!
Dappertûtto o tribolôu
O l'è sempre o disgraziôu,
L'ommo onesto o l'è avvilïo,
L'ommo sccetto o l'è tradïo;
Se giastemma l'impostûa,
E a se lascia fâ figûa,
Passeggiâ co-a testa nûa,
Co-a candeja e o marscinon!
Se confonde a Religion
Con chi parla de Segnô
E arrovinn-a in te l'onô;
Se sà dove l'è a malizia,
E se lascia l'ingiûstizia....
Fin ne-a pubblica opinion
L'ommo ricco o l'è padron
De qualunque mälazion,
Mentre o pöveo accûsôu
O l'è fîto immanettôu
E da tutti giûdicôu!...
– Cittadin, cöse ve pâ?
Ecco o mondo comm'o và!
