 |
Questa pagina a no l'è stæta corretta. | |
Ma sta gente ben vestïa
Senza fâ nisciùn mestê,
Mi domando ä Polizïa,
Sciä me digghe ûn pö chi a l'è!
– Son personn-e tolleræ
Perch'han sempre di dinæ,
Necessaje in te Çittæ
Dove regna a civiltæ –
Scignor scì questo me-o creddo,
Ma domando perchè ï veddo
Sciortî fêua de mëzo giorno,
Fûmmâ, spende e no fâ corno
Contro o Codice penale
Contro a pubblica morale?
Missi a-o graddo de Scignöe
Che passeggian da tûtt'öe,
Van apprêuvo a quello e a questo
Tanto ciù s'o l'è foresto;
Primma gh'offran da fûmmâ,
Poi o portan a çennâ,
De campann-a cö camê
Son o Conte a, be, ce, de,
Tanto che doppo o vinetto
Ghe ven coæ de fâ o zûghetto,
