 |
Questa pagina a no l'è stæta corretta. | |
Quande e figge l'ëa proibïo,
Per non ese segnæ a dïo,
De poeì mettile in sce-o bêutto
Tûtto o ciù finn'a-i dixêutto,
Quelle figge, ean fortûnæ.
Perchè finn-a a quest'etæ
Stavan savie in ti so panni,
Nè sentîvan cresce i anni,
Finchè poi se presentavan
Tanto belle che innamoâvan,
L'innocenza a l'ëa con lö
Co-e graziette de l'amô;
Brave donne, brave moæ
Diventavan da majæ,
E se andavan a spëgiâse
N'ëa ciû miga pe adûlâse,
Perchè i anni do giûdizio
Ghe mostravan che o caprisio
De paeì belle se nö son
L'ëa unn-a sciolla pretenscion.
Ma sti pövei bambinetti
Smaliziæ da-i discorsetti
Do galante e da sposâ
Che da-i grandi sentan fâ;
