 |
Questa pagina a no l'è stæta corretta. | |
Seì in Gëxa? – ve vortæ
T[u]tto o tempo da-e mammæ:
– Mïme ûn pö com'ho o colletto!
Assegûime ûn pö o frexetto!
Sta mantiglia a me ven sciù,
No me-a vêuggio mette ciù!
Intræ a-o Teatro? in t'ûn palchetto?
– No gh'è manco o so spëgetto! –
A l'è a primma osservazion
Che fæ fâ a quello mincion
Chi aviâ fæto, meschinetto,
Oltre a speiza do bigetto,
Chi sa quanto pe attrovâve
Quella seja forse a ciave!
Miæ un pö quante inconvenienti,
Che porrieìvan evitâve
Questi ommûssi, se ciû attenti
V'appaèggiassan da spëgiâve!
Ma lö invece, miæ ûn pittin
Che contrasto d'opinioîn!
Quande veddan che vegnî
In t'ûn scito tûtte lì
Cö cappūsso fêua da testa
Traversâ in mezo da festa
