 |
Questa pagina a no l'è stæta corretta. | |
Tûtti assorti in to Profeta
N'eì amioû manco ä Cometa,
Ve seì persi ne-a gran piena
Pe ûrlâ: bravi! ai prævi in scena,
Pe criâ: bis! ä divozion
Di Teatrali in procescion;
– Cöse tanto straordinaje
Che se fosse, Çittadin,
Da çert'epoche stondaje
Poco amighe a-o burattin,
Qualche bestia d'in platëa
V'aviæ: dito: – a n'è a manëa
Fâse vedde da-i Foestê
Coscì boîn da pê derrê,
Manco in caxo d'assettâse
Dö'öe in teatro, e rispettâse,
Senza estende a derixion
Finn-a ä propria Religion,
Contro l'ûso ûniversale
D'ogni gente anche brûtale
Anche senza edûcazion! –
Ma ste cose pe noî atri
Son sûblimi in ti teatri
