 |
Questa pagina a no l'è stæta corretta. | |
Scappa, scappa, Scignorinn-e,
Scialla, scialla, Çittadin,
Che l'è chi o sciäta-gallinn-e
L’è chi torna l'Amandoîn!
Cöse serve andâ a çercâ!
Mi ve devo ringraziâ.
Reçitôu fin da-i figgêu,
Letto fin da chi so mi
Me ne moîva proprio o coêu
De tornâ ûn pö a discorrî
Se non atro pe obbedienza
Da mæ gran riconoscenza.
Finn-a i dotti de Grondonn-a
M’han ornôu de compascion,
Cösa grâta e molto bonn-a
Per chi çerca protezion
Che vêu dî che n’ho abbastanza,
E che nûo in te l'abbondanza.
